इजरायलविरुद्ध प्रदर्शन गर्न अनुमति दिने अध्यक्षले दिइन् राजीनामा

न्युर्योक- कोलम्बिया युनिभर्सिटीका अध्यक्ष मिनोचे शफिकले बुधबार आफ्नो राजीनामाको घोषणा गरेकी छिन् । 

इजरायल–हमास द्वन्द्वको प्रतिक्रियामा उनले क्याम्पसमा विरोध प्रदर्शनलाई कसरी सम्हालिन् भनेर आलोचनाको सामना गर्नु परेको महिनौंपछि यो घोषणा आएको हो।

---

विद्यार्थी र संकाय सदस्यहरूलाई पठाएको इमेलमा शफिकले लेखेकी छिन, ‘म तपाईंलाई यो बताउनको लागि दुःखका साथ लेख्छु कि म अगस्ट १४, २०२४ देखि लागू हुने गरी कोलम्बिया विश्वविद्यालयको अध्यक्ष पदबाट राजीनामा दिँदैछु। यो अविश्वसनीय संस्थाको नेतृत्व गर्ने सम्मान र विशेषाधिकार मैले पाएको छु। मलाई विश्वास छ, यो बीचमा सँगै काम गरेर हामीले धेरै महत्त्वपूर्ण क्षेत्रहरूमा प्रगति गरेका छौं, यद्यपि यो उथलपुथलको अवधि पनि हो, जहाँ हाम्रो समुदायमा फरक विचारहरू हटाउन गाह्रो भएको छ ।’

इजरायलले गाजामाथि गरेको हमलाको बिरोध गर्न विद्यार्थीलाई अनुमति दिएको आरोपमा उनलाई सोधपुछ गरिएको थियो । उनको विश्वविद्यालयबाट १०० जनाभन्दा बढी विद्यार्थी पक्राउ परेपछि सो प्रदर्शन विवादमा तानिएको थियो । सो प्रदर्शनपछि अमेरिका र क्यानडाका बिभिन्न विश्वविद्यालयमा विद्यार्थीले प्रदर्शन गरेका थिए ।