बन्धकको विषयमा भएको हड्तालले इजरायलमा राजनीतिक विभाजनलाई झल्काउँदै

काठमाडौँ - गाजाका बन्धकहरूलाई फिर्ता गर्न असफल भएको विरोधमा इजरायलमा आम हडतालको आव्हानले सोमबार यसको मुख्य अन्तर्राष्ट्रिय विमानस्थलसहित देशभरि बन्द र अवरोधहरू निम्त्याएको छ । 

 गाजामा छ जना बन्धक मृत फेला परेपछिको आक्रोशमा दशौँ हजार इजरायली आइतबार सडकमा ओर्लिएका थिए । प्रदर्शनकारीले प्रधानमन्त्री बेन्यामिन नेतान्याहूलाई दोष दिँदै युद्धको अन्त्य गर्न हमाससँगको सम्झौतामा उनीहरूलाई जीवित फिर्ता गर्न सकिने धारण व्यक्त गरेका छन् ।  

---

तर अन्यले हमासमाथि सैन्य दबाब कायम राख्ने नेतान्याहूको रणनीतिलाई समर्थन गर्दछन् ।

 इजरायली ट्रेड युनियन, हिस्टाड्रटले सोमबारका लागि आम हडतालको आह्वान गरेको छ । यसको उद्देश्य बैंकिङ, स्वास्थ्य सेवा र देशको मुख्य विमानस्थललगायत अर्थतन्त्रका प्रमुख क्षेत्रहरू बन्द गर्ने वा अवरोध गर्ने हो ।

बन्द आव्हानले इजरायलको मुख्य अन्तर्राष्ट्रिय विमानस्थल बेन–गुरियनमा वायुसेवाहरूले केही समयका लागि उडानहरू रोकेका थिए भने इजरायल विमानस्थल प्राधिकरणका अनुसार आगमन उडानहरू सामान्य रूपमा जारी थिए ।

हड्तालका कारण बैंक, ठूला मल र सरकारी कार्यालयहरू सबै बन्द थिए भने सार्वजनिक यातायात सीमित थियो । तेल अभिभसहित इजरायलको अन्य क्षेत्रका नगरपालिकाले हडतालमा भाग लिइरहेका थिए । 

यद्यपि जेरुसेलमसहितका केही नगरपालिकाले हडतालमा भाग लिएका थिएनन् । हडताल राजनीतिबाट प्रेरित भएको भन्दै राज्यले श्रम अदालतमा हडताल रद्द गर्न अपिल गरेको इजरायली मिडियाले जनाएको छ ।

 युद्ध सुरु भएपछिको सबैभन्दा ठूलो प्रदर्शन आइतबार भएको थियो । 

प्रदर्शनका सहभागीहरूले नेतान्याहूले गाजामा बन्दी बनाइएका बन्धकहरूलाई फिर्ता गर्ने सम्झौता गरी हमासलाई यथावत् राखी फिर्ता लिनु पर्ने माग गरेका छन् ।

 नेतान्याहूले हमासमाथि “पूर्ण विजय“ को वाचासहित वार्ताको असफलताका लागि हमासलाई दोष दिएका छन् ।  

इजरायली सेनाले सुरङ्गमा पुग्नुभन्दा अघि नै हमासले बन्धकहरूलाई मारेको इजरायलले जनाएको छ । 

नेतान्याहूले हमासलाई दोष दिँदै जसले बन्धकहरूको हत्या गर्छ उसले सम्झौता नचाहने बताएका छन् ।

हमासले इजरायल र अमेरिकामा उनीहरूको मृत्युलाई दोष दिँदै गाजाका दुई रणनीतिक करिडोरमा स्थायी इजरायली नियन्त्रणसहित नयाँ मागहरू जारी गरेर वार्ता बिथोलेको आरोप लगायो । हमासले युद्धको अन्त्य, इजरायली सेनाको पूर्ण फिर्ती र उच्च–प्रोफाइल उग्रवादीसहित ठूलो सङ्ख्यामा प्यालेस्टिनी कैदीहरूको रिहाइको बदलामा बन्धकलाई रिहा गर्ने प्रस्ताव गरेको छ ।

आइतबार मृत फेला परेका ६ जना बन्धकमध्ये एक इजरायली–अमेरिकी हर्श गोल्डबर्ग–पोलिन, बर्कले, क्यालिफोर्नियाका मूल निवासी थिए ।

अमेरिकी राष्ट्रपति जो बाइडेनले आइतबारको घटनापछि आफू ‘निराश र आक्रोशित’ भएको बताएका थिए ।