वेस्ट बैंकमा अमेरिकी नागरिकको गोली लागेर मृत्यु

जेरुसेलम- प्यालेस्टिनी अस्पतालका एक अधिकारीले कब्जा गरिएको वेस्ट बैंकमा शुक्रबार एक अमेरिकी नागरिकको टाउकोमा गोली लागेर मृत्यु भएको बताएका छन् ।

नाब्लुसस्थित राफिडिया अस्पतालका निर्देशक फौद नाफाले भने, 'एक जना अमेरिकी नागरिकले टाउकोमा गोली लागेपछि उपचारका लागि अस्पताल आइपुग्नुभएको थियो उहाँको स्थानीय समय अनुसार १४:३० बजेतिर मृत्यु भएको छ।' 

---

प्यालेस्टाइनको सरकारी समाचार संस्था वाफाका अनुसार मारिएका अभियन्ता गाजा पट्टीमा जारी युद्धसँगै पश्चिम किनारामा बढेको इजरायली बसोवासी हिंसाबाट किसानहरूलाई जोगाउन ‘फाजा’ नामक एक अभियानमा संलग्न थिइन् ।

नाफाले एएफपीलाई बताएअनुसार मृतक महिला २० वर्षकी थिइन् । 

अक्टोबर ७ मा हमासले दक्षिणी इजरायलमा अकस्मात गरेको आक्रमणपछि इजरायली सेना र स्थानीयबासीले वेस्ट बैंकमा कम्तीमा ६६१ जना प्यालेस्टिनीको हत्या गरिसकेको प्यालेस्टिनी स्वास्थ्य मन्त्रालयले जनाएको छ ।
इजरायली अधिकारीहरूका अनुसार उक्त अवधिमा प्यालेस्टिनी आक्रमणमा सुरक्षाकर्मीसहित कम्तीमा २३ जना इजरायली मारिएका छन् । (एएफपी)