रूसी आक्रमणबाट सात जनाको मृत्यु, १० घाइते

किभ, युक्रेन- युक्रेनको दक्षिणी ओडेसा क्षेत्रमा बन्दरगाहको पूर्वाधारमा रूसले गरेको ब्यालेस्टिक क्षेप्यास्त्र आक्रमणमा परी सात जनाको मृत्यु भएको छ भने १० जना घाइते भएका अधिकारीहरूले बिहीबार जानकारी दिएका छन् ।

पनामाका गभर्नर ओलेग किपरका अनुसार बुधबार पनामाको झण्डा फहराइरहेको एउटा कन्टेनर जहाजमा आक्रमण भएको थियो ।

---

किपरले बिहीबार सामाजिक सञ्जालमा लख्नुभएको छ, “दुर्भाग्यवश, हिजो रूसबाट भएको क्षेप्यास्त्र आक्रमणमा परी मृत्यु हुनेको सङ्ख्या सात पुगेको छ ।

“आज बिहान बन्दरगाहमा काम गर्ने ४६ वर्षीय एक कामदारको अस्पतालमा मृत्यु भएको छ। चिकित्सकहरूले सक्दो प्रयास गरे पनि उनको चोट निकै गम्भीर भएकाले घाइते श्रमिकलाई बचाउन सकिएन,” उनले भने । 

किपरले यसअघि ब्ल्याक सी बन्दरगाह शहरमा विगत चार दिनमा नागरिक जहाजमा भएको यो तेस्रो आक्रमण भएको बताएका थिए । 

युद्ध अवधिभर रुसले युक्रेनको तटीय ओडेसा क्षेत्रलाई निशाना बनाएको छ र डुङ्गा र अन्न बोक्ने जहाजमा प्रहार गरेको छ जसलाई किएभले निर्यात क्षमता नष्ट गर्ने अवैध प्रयास भएको बताएको छ।

सन् २०२२ को फेब्रुअरीमा रूसले आक्रमण गर्नुअघि युक्रेन विश्वको सबैभन्दा ठूलो खाद्यान्न निर्यातक मुलुकमध्ये एक थियो, तर यसको बन्दरगाह र भण्डारण सुविधाहरूमा पटक–पटकको आक्रमणले यसको उत्पादनमा गम्भीर कटौती गरेको छ।

ओडेसा बन्दरगाहमा रूसी क्षेप्यास्त्रले पलाउ ध्वजाबाहक जहाजलाई ठक्कर दिँदा त्यसमा सवार एक जनाको मृत्यु भएको दुई दिनपछि उक्त आक्रमण भएको स्थानीय अधिकारीहरूले बताएका छन् । (एएफपी)