टर्किएबाट करिब चार हजार मानव तस्कर पक्राउ

अङ्कारा, टर्कीए- टर्कीएका सुरक्षा बलहरूले वर्षभरि मानव बेचबिखन सङ्गठनहरू विरुद्ध छ हजार ३३९ अभियानहरू सञ्चालन गरेको छ । उक्त अभियानको क्रममा तीन हजार ९२४ जना तस्करहरूलाई पक्राउ गरेको टर्कीका आन्तरिक मन्त्री अली येर्लिकायाले भनेका छन् ।

येर्लिकायाले विगत दुई हप्तामा देशव्यापी ४१ प्रान्तहरूमा सञ्चालन गरिएको ‘शिल्ड–२८’ अपरेसनमा मात्रै २५७ मानव तस्करहरू पक्राउ परेका बताए । “हाम्रो देशलाई अव्यवस्थित आप्रवासनका लागि लक्षित र ट्रान्जिट रुटमा परिणत गर्न खोज्ने तस्करहरूलाई कुनै ठाउँ नछोड्न हामी प्रतिबद्ध छौं ।”

---

टर्कीले युरोप, एसिया र मध्य पूर्व बीचको अद्वितीय भौगोलिक स्थानका कारण अवैध आप्रवासन व्यवस्थापनमा प्रमुख चुनौतीहरूको सामना गरिरहेको छ ।

युरोपेली देशहरूमा प्रवेश गर्न खोज्ने आप्रवासीहरूका लागि टर्की महत्त्वपूर्ण ट्रान्जिट मार्ग मानिन्छ ।

टर्किए लामो समयदेखि द्वन्द्वग्रस्त क्षेत्रहरू विशेष गरी सिरिया र अफगानिस्तान अन्य क्षेत्रहरूका शरणार्थीहरूको लागि गन्तव्य र ट्रान्जिट बिन्दु भएको छ ।

हालैका वर्षहरूमा टर्किएले सीमा सुरक्षालाई तिब्र, कानुनी ढाँचालाई बलियो र मानव बेचबिखन गर्ने गिरोहहरूको बढ्दो गतिविधिलाई रोक्न अन्तर्राष्ट्रिय सहयोग बढाएको छ । (सिन्ह्वा)