अस्ट्रेलियाविरुद्ध पाकिस्तानको ऐतिहासिक जित, २२ वर्षपछि जित्यो सिरिज

काठमाडौँ - पाकिस्तानले अस्ट्रेलियाविरुद्धको एकदिवसीय सिरिज जितेको छ ।

आइतबार सम्पन्न सिरिजको तेस्रो खेल पाकिस्तानले ८ विकेटले जित हासिल गर्दै सिरिज २-१ ले जितेको हो ।

---

अस्ट्रेलियाले दिएको १४१ रनको लक्ष्य पछाएको पाकिस्तानले २६.५ ओभरमा २ विकेट गुमाउँदै लक्ष्य पुरा गरेको थियो । यसअघि अस्ट्रेलियाले पहिला ब्याटिङ गर्दै ३१.५ ओभरमा अल आउट हुँदै १४० रन बनाएको थियो ।

सिरिजमा १-० ले पछि परेपछि पाकिस्तानले कमब्याक  गर्दै पछिल्ला दुवै खेल जितेको हो । 

पाकिस्तानले अस्ट्रेलियालाई उसकै घरेलु मैदानमा २२ बर्षपछि पराजित गरेको छ । पाकिस्तानले २००२ देखि अस्ट्रेलियामा कुनै एकदिवसीय सिरिज जित्न सकेको थिएन ।

अब पाकिस्तानले अस्ट्रेलियाविरुद्ध ३ खेलको टी-२० सिरिज खेल्ने तालिका रहेको छ । सिरिजको पहिलो खेल आगामी बिहीबार हुने छ ।