महाअभियाेग लागेका दक्षिण काेरियाका राष्ट्रपति युनलाई हटाउने वा नहटाउने अदालतले निर्णय गर्ने

सियोल - दक्षिण कोरियाका राष्ट्रपतिलाई पदबाट हटाउने वा नहटाउने अब अदालतमा निर्भर रहने भएको छ।  

अन्तरराष्ट्रिय मिडियाका अनुसार त्यहाँको संसदले २०४–८५ मतका आधारमा महाअभियोग प्रस्ताव पारित गरेका छन् ।

---

सो प्रस्ताव पारित भएसँगै राष्ट्रपतिका धेरै अधिकार कटौती भए पनि पदमुक्त हुने वा नहुने भन्ने विषय भने अब अदालतले निर्धारण गर्नेछ । 

सम्पूर्ण महाभियोग प्रक्रिया सकिा एक हप्ता लाग्न सक्ने दक्षिण कोरियाका संञ्चारमाध्यमले जनाएका छन् । उनीहरूका अनुसार सो प्रस्ताव संसदबाट पारित भएपछि अब सो मुद्दा संवैधानिक अदालतमा लैजानु पर्नेछ ।

अदालतका ९ सदस्यीय परिषद मध्ये ६ जनाले महाभियोगलाई कायम राख्न मतदान गरेमा मात्र राष्ट्रपति पदबाट हट्ने छन्, नभए उनी पुनर्बहाली हुनेछन् ।  तर, विपक्षी ६ दलको प्रयास, देशभरि भएका प्रदर्शन र सत्तारूढ दल भित्रै भएको विद्रोहका कारण पनि उनी अब पदमा रहि रहनेछन् भन्ने कुनै ग्यारेन्टी नभएको जनाइएको छ । अन्ततः उनी पदमुक्त हुनेछन् ।

पद मुक्त भएको अवस्थामा ६० दिनभित्र अर्को राष्ट्रपतिको निर्वाचन आह्वान गरिनु पर्ने संवैधानिक व्यवस्था छ ।