बंगलादेशका प्रधानमन्त्री युनुस पहिलो विदेश यात्रामा निस्किँदै

ढाका- पहिलो पटक सरकारका प्रमुख सल्लाहकार (सरकार प्रमुख) मोहम्मद युनुस विदेश यात्रामा निस्कने भएका छन् ।

बिहीबार इजिप्टको कायरोमा आयोजना हुन गइरहेको डी–८ शिखर सम्मेलनको ११ औँ संस्करणमा भाग लिन मुख्य सल्लाहकार युनुस त्यसतर्फ जान लागेका हुन् ।

---

मुख्य सल्लाहकार बुधवार बिहान इजिप्टको कायरोको लागि ढाकाबाट प्रस्थान गर्ने कार्यक्रम छ, उनका प्रेस सचिव अपूर्व जहाँगीरले जानकारी दिए ।

शिखर सम्मेलनका क्रममा डा. युनुससँग धेरै भेटघाट हुने सम्भावना रहेको र त्यसको तयारी भइरहेको बंगलादेशको विदेश मन्त्रालयले जनाएको छ । कायरोमा आयोजित डी ८ आयोगको बैठकको ४७ औं सत्रको साथ यो हप्ता महत्वपुर्ण मानिएको छ ।

यी बैठकहरूले आर्थिक सहयोगलाई सुदृढ गर्न र सदस्य राष्ट्रहरूबीच दिगो विकासका लागि साझा दृष्टिकोणको रूपरेखा बनाउन नेताहरूलाई एकसाथ ल्याउने छ। आर्थिक सहयोगका लागि डी ८ संगठन, जसलाई डेभलोपिङ–८ पनि भनिन्छ । जसमा बंगलादेशसहित इजिप्ट, इन्डोनेसिया, इरान, मलेसिया, नाइजेरिया, पाकिस्तान र टर्कीसम्मिलित विकास सहयोगको एउटा संस्था हो।

इरानका राष्ट्रपति मसुद पेजेस्कियान, टर्कीका राष्ट्रपति रेसेप तैयप एर्दोगान, इन्डोनेसियाका राष्ट्रपति प्राबोवो सुब्यान्टो, पाकिस्तानका प्रधानमन्त्री सेहबाज शरीफ र इजिप्टका राष्ट्रपति अब्देल फताह अल–सिसीलगायतले शिखर सम्मेलनमा प्रोफेसर युनुससँग सामेल हुनेछन् । 

डेभलपिङ एट शिखर सम्मेलन डिसेम्बर १८–२० मा कायरो हुँदैछ । शेख हसिनाको सत्ता पतन भए पछि सरकार प्रमुख बनेका युनुस पहिलो पटक विदेश यात्रामा निस्कन लागेका हुन् ।