पैसा लिएर श्रीमतीलाई ७२ पटक बलात्कार गराउने फ्रान्सेलीलाई २० वर्ष जेल

काठमाडौँ- तपाईंलाई फ्रान्सको घटना याद होला, जसमा एक व्यक्तिले आफ्नी श्रीमतीलाई आफ्ना चिनेजानेकासँग ७२ पटक बलात्कार गराएका थिए । 

अहिले यी व्यक्तिले आफनो अपराध प्रति पछुतो मान्दै अदालतमा श्रीमतीको खुब तारिफ गरिरहेका थिए र आफ्नो गल्तीको लागि परिवारसँग रूँदैरूँदै माफी मागिरहेका थिए । तर, अहिले अदालतले डोमिनिक पेलिकोटलाई सजाय दिएको छ । अब उनी २० वर्षको कारावासको सजाय भोग्नु पर्ने भएको छ ।

---

डोमिनिक पेलिकोटले आफ्नी पूर्व पत्नी गिसेललाई १० वर्षसम्म लागूऔषध खुवाएर दर्जनौं पुरुषसँग बलात्कार गराएका थिए । यो कुरा अहिले अदालतमा उनले स्वीकार पनि गरेका छन् र माफी पनि मागेका थिए तर अदालतले उनलाई माफि दिएन ।

गत सोमबार डोमिनिकले आफ्नो परिवारलाई माफ गर्न आग्रह गरेका थिए र परीक्षणको क्रममा आफ्नी पूर्व पत्नीको साहसको पनि प्रशंसा गरेर नाटक पनि गर्न भ्याएका थिए।

तर उनकी श्रीमती गिजेल एक यस्तो साहसी महिला हुन्, जसले यति धेरै यातना दिँदा पनि आफूलाई लुकाउन सकिनन्, बरु अगाडि आएर आफ्नो पतिको सारा कर्तुतको पर्दाफास गरि दिइन् र आफ्नो अनुहार पनि सारा संसारमा उजागर गरिन् । उनी विश्वभर एक उत्कृष्ट उदाहरणका रूपमा परिचित भएको भन्दै अहिले फ्रान्सेलीहरू तारिफ गरिरहेका छन् । गिसेल अहिले ७२ वर्षकी भइन् ।

पेलिकोटले उनलाई निद्राको चक्की दिएर बेहोस बनाउँथे । त्यसपछि उसले धेरै पुरुषलाई बलात्कार गर्न लाइनमा उभ्याउँथे । नशाका कारण अचेत भएकी गिजेल पहिलो पटक अदालतमा हाजिर हुँदा धेरै कुरा याद गर्न सकेकी थिइनन् ।

उनले भनेका थिइन् ‘श्रीमानले घटना घटनुभन्दा पहिला मलाई पुतलीजस्तै व्यवहार गर्दथे तर जब म नशामा लठ्ठ हुन्थे तर अरू नै मसँग आइसकेको हुन्थ्यो, यो कुरा धेरैपछि मलाई थाहा भयो ।’

अहिले फ्रान्सेली प्रहरीले श्रीमानको कम्प्युटरबाट हजारौं फोटो, भिडियो र प्रमाण पनि फेला पारेको छ, जहाँ उनीमाथि भएको दुर्व्यवहारका बारेमा धेरै प्रमाणहरू भेटिएका छन् । धेरै फ्रान्सेलीले उनलाई माफी होइन, आजिवन काराबासमा लैजानु पर्ने भन्दै जोड गरिरहेका थिए । तर, अहिले त्यहि फैसला भएको छ ।

दोषी ठहरिएका ७२ वर्षीय डोमिनिक पेलिकोटले २० वर्ष जेल सजाय भोग्नुपर्नेछ । दोषीले आफूले कसैलाई पनि भ्रममा नराखेको स्वीकार गरेका छन् । मुद्दाको सुनुवाइका क्रममा आरोपीले आफूलाई पटकपटक बलात्कार गराएको स्वीकार गरेका थिए ।

महिलालाई बलात्कार गर्नेहरु फ्रान्सका विभिन्न क्षेत्रका थिए । तिनीहरूमा सिपाही, चालक, सुरक्षा गार्ड, फायर फाइटर, पत्रकारहरू थिए। त्यहाँ केही मानिसहरू थिए जसको उमेर २२ वर्षदेखि धेरै ७० वर्षका थिए।

आफ्नालाई पनि बलात्कार गर्नेहरू धेरै थिए । यो कुरा सन् २०२० मा बाहिर आएको थियो । दोषी डोमिनिक एक बजारमा महिलाको आपत्तिजनक भिडियो बनाउँदै गर्दा पक्राउ परेका थिए ।

अदालतको फैसलापछि दक्षिणी फ्रान्सेली सहर एभिग्नोनमा धेरै मानिस भेला भएका थिए । पीडितको पक्षमा अदालतको फैसलाको धेरैले प्रशंसा गरेका छन् । सो निर्णयप्रति सामाजिक सञ्जालमा पनि प्रतिक्रिया देखिएका छन् ।