कतारकी राजकुमारीको ‘प्रेममा पागल भूतपूर्व ड्राइभरलाई तीन वर्ष प्रतिबन्ध

लन्डन - बेलायतको वेस्टमिन्स्टर म्याजिस्ट्रेट अदालतले लण्डनका एक व्यक्तिलाई कतारकी राजकुमारीलाई पिच्छा गरेको र उत्पीडन गरेको अभियोगमा सजाय सुनाएको छ ।

यसरी लन्डन अदालतबाट सजाय पाउनेमा ४७ वर्षीय अबुसलह हुन्, जो यसअघि राजकुमारीको सवारी चालकको रूपमा कार्यरत रहेका थिए । ड्राइभरमाथि अनावश्यक रूपमा राजकुमारीलाई पीछा गरेको आरोप लगाइएको थियो ।

---

जसलाई इहाद अबुसलहले स्वीकार गरेका छन् तर अदालतमा उनको दाबी यो छ कि राजकुमारी र उनी बीच गहिरो प्रेम सबन्ध रहेको छ । जसका कारण प्रेमका लागि नै उनले राजकुमारीको पिच्छा गरेका हुन । ‘मलाई लाग्छ कि राजकुमारीले पनि मलाई माया गर्छिन् र हामी दुबै रोमान्टिक सम्बन्धमा छौं,’ अदालत सामु बयानमा उनले भने । 

तर, अबुसलहका वकिलले अदालतलाई भने कि उनी मानसिक रूपमा बिरामी थिए र यही गलतफहमीका कारण उनले आफ्नी श्रीमतीसँग सम्बन्ध विच्छेद गर्नु परेको थियो ।

भूतपूर्व ड्राइभर इहाद अबुसलहले गत मार्च २०२४ मा राजकुमारीलाई निकै पछ्याउने मात्रै काम गरेनन्, राजकुमारीलाई उपहार र पैसाहरू पनि पठाउन सुरु गरे । समाचार अनुसार ती भूतपूर्व ड्राइभरले राजकुमारीको जन्मदिनमा ब्रासलेट र फूलहरू पठाएका थिए र उनलाई बारम्बार फोन गरेर हैरान गर्ने काम गरिरहेका थिए । 

अहिले यो भनिएको छ, भूतपूर्व ड्राइभर अबुसलहलाई राजकुमारीले पनि माया गर्छिन् र उनीहरूबीच रोमान्टिक सम्बन्ध रहेको छ भन्ने उनको गलत धारणा विकास भएको छ । किनकी, श्रीमतीसँग सबन्धविच्छेद गरे पछि उनी थप मानसिक रूपमा विक्षिप्त रहेका छन् । 

राजकुमारीका वकिलले अदालतलाई भने कि अबुसलहको यो गलत हर्कत र कार्यले धेरै समस्यामा पारिरहेको छ। उनी राजकुमारीको निवास वरिपरि देखिने र कर्मचारीमार्फत राजकुमारीलाई उपहार पठाएर हैरान गरिरहेका छन, जो रोक्ने प्रयास गर्दा पनि ती भूतपूर्व ड्राइभरले मानिरहेका छैनन् । जसका कारण राजकुमारीले आफ्नो र आफ्नो परिवारको सुरक्षाको बारेमा निकै चिन्ता गरिरहेकी छिन, मुख्यतयाः उनका भूतपूर्व ड्राइभरबाट हैरान छिन् ।

साथै, अबुसलहका वकिलले पनि उनी मानसिक रूपमा बिरामी भएको तर्क गरेका छन्, जसका कारण उनले राजकुमारीसँगको सम्बन्धलाई लिएर गलतफहमी बढेको भन्दै उनले आफ्नी श्रीमतीसँग सम्बन्ध विच्छेदसमेत गरेको अदालतमा जानकारी गराएका थिए । र, बयानका आधारमा अदालतले अबु सलाहलाई दोषी ठहर गरेको हो । 

 उनलाई १२ महिनाको सामुदायिक आदेशसँगै ३० दिनको पुनर्वास गतिविधिमा भाग लिन आदेश दिइएको छ । साथै अदालतले कम्तीमा तीन वर्षको प्रतिबन्ध आदेश जारी गरियो, जसमा अबुसलहलाई राजकुमारी र उनको परिवारसँग सम्पर्क गर्न र उनीहरूको घरको वरिपरि घुम्न प्रतिबन्ध लगाइएको छ।