बिरेन सिंहले दिए मणिपुरको मुख्यमन्त्रीबाट राजीनामा

भारत - मणिपुरको मुख्यमन्त्री नोङथोम्बम बिरेन सिंहले राज्यमा हिंसाको झण्डै दुई वर्षपछि आइतबार राज्यपाल अजय कुमार भल्लालाई आफ्नो राजीनामा बुझाएका छन् । 

मणिपुर उच्च अदालतले मेइती समुदायलाई अनुसूचित जनजातिको सूचीमा समावेश गर्न राज्यलाई निर्देशन दिएपछि अखिल जनजाति विद्यार्थी युनियन अफ मणिपुर (एटीएसयुएम) ले निकालेको जुलुसमा सन् २०२३ मे ३ मा मणिपुरमा मेइती र कुकी समुदायबीच हिंसा भड्कियो ।

---

“अहिलेसम्म मणिपुरका जनताको सेवा गर्न पाउनु सम्मानको कुरा हो,” सिंहले आफ्नो राजीनामा पत्रमा उल्लेख गरेका छन् । “मणिपुरीको हितको लागि केन्द्र सरकारले विकास कार्य र विभिन्न परियोजनाहरू कार्यान्वयन गरेकोमा म हार्दिक आभारी छु ।”

यसलाई निरन्तरता दिन उनले केन्द्र सरकारलाई आग्रह गरे । 

मणिपुरका मुख्यमन्त्री बिरेन सिंहले आज दिल्लीमा केन्द्रीय गृहमन्त्री अमित शाहलाई भेटे । 

सन् २०२२ को विधानसभा चुनावमा एनडीए गठबन्धनले ६० सदस्यीय सदनमा ३२ सिटमा सहज जित हासिल गरेपछि बिरेन सिंहले मणिपुरको मुख्यमन्त्रीको रूपमा शपथ लिएका थिए । 

काङ्ग्रेसले पाँच र नेकपाले सात सिट प्राप्त गरेको थियो । नागा जनमोर्चाले पाँच र कुकी जनता गठबन्धनले दुई सिट प्राप्त गरेको थियो । उक्त निर्वाचनमा स्वतन्त्रले तीन सिट पाएका थिए । 

एनडीएको सहयोगी जेडीयूले ६ सिट जितेको थियो । यद्यपि यसका पाँच विधायक पछि भाजपामा सामेल भए ।