गाजामा मानवीय सहायता रोकेकोप्रति अरब देशद्वारा इजरायलको कडा आलोचना

काठमाडौं - गाजा पट्टीमा सबै मानवीय सहायताको प्रवेशमा रोक लगाएकोमा धेरै अरब देशहरू र संयुक्त राष्ट्रसंघले इजरायलको निन्दा गरेका छन् ।

इजिप्ट र कतारले आइतबार इजरायलको कदम युद्धविराम सम्झौताको उल्लङ्घन भएको बताएका छन् भने संयुक्त राष्ट्रसंघका मानवीय प्रमुख टम फ्लेचरले यसलाई चिन्ताजनक भनेका छन् ।

---

इजरायली प्रधानमन्त्री बेन्जामिन नेतान्याहूले आफ्नो देशले यो कदम चालेको बताएका बताउँदै हमासले मानवीय सहायता आपूर्तिबाट सामानहरू चोरिरहेको र आफ्नो आतंकवादी मेसिनरीलाई इन्धन दिन प्रयोग गरिरहेको आरोप लगाएका छन् ।

इजरायलले गाजामा युद्धविराम बढाउने अमेरिकी प्रस्तावलाई हमासले अस्वीकार गरेको आरोप पनि लगाएको छ ।

यसैबीच, हमासका प्रवक्ताले इजरायलको नाकाबन्दी 'सस्तो ब्ल्याकमेल' र युद्धविराम सम्झौताको विरुद्ध भएको बताए ।

आइतबार एक विज्ञप्तिमा कतारको विदेश मन्त्रालयले पनि इजरायलको निर्णयको कडा निन्दा गरेको छ र यसलाई युद्धविराम सम्झौता र अन्तर्राष्ट्रिय मानवीय कानुनको स्पष्ट उल्लङ्घन भनेको छ ।

एएफपी समाचार एजेन्सीका अनुसार इजिप्टमा विदेश मन्त्रालयले इजरायललाई 'प्यालेस्टिनी जनता विरुद्ध हतियार' को रूपमा भोकमरी प्रयोग गरेको आरोप लगाएको छ । त्यस्तै साउदी अरेबियाले पनि इजरायलको यो कदमको निन्दा गरेको छ ।