अमेरिकी जहाजबाट खसेर अफगानी फुटबलरको मृत्यु

काठमाडौँ- गत सोमबार उडिरहेको अमेरिकी जहाजबाट केही अफगानीहरू खसेको खबर र भिडियो सामाजिक सञ्जालमा भाइर बनेका थिए । त्यसरी झरेर ज्यान गुमाउने अफगानी नागरिकहरूमध्ये एक जना त्यहाँको युवा टोलीका खेलाडी पनि रहेको खुलेको छ । 

यो खबर रोयटर्सले अफगानी समाचार एजेन्सी एरियानालाई उदृधत गर्दै लेखेको छ । ज्यान गुमाउने खेलाडीको नाम जाकी अनवारी रहेको बताइएको छ । उनी १९ वर्षका थिए ।  

---

केही दिनअघि काबुल विमानथलमा उड्न लागेको अमेरिकी जहाजमा चढ्न कयौँ अफगानीहरूले प्रयास गरिरहेको देखिएको थियो । त्यही हुलमा अनवरी पनि रहेको बताइएको छ ।