भारतको छत्तीसगढमा एक प्रहरी जवानले गरे गोली हानेर आफ्नै चार साथीको हत्या

काठमाडौँ - भारतको छत्तीसगढ राज्यमा एक प्रहरी जवानले आफ्नै साथीमाथि गोली प्रहार गरेका छन् । गोली प्रहारबाट चार जनाको ज्यान गएको छ । सुकमा जिल्लास्थित केद्रीय रिजर्व पुलिस बल (सीआरपीएफ)मा सोमबार बिहान साढे ३ बजेतिर एके–४७ राइफलबाट हानेको गोली लागेर चार जनाको मृत्यु भएको भारतीय सन्‍चार माध्यमले जनाएका छन् ।

हिन्दुस्तान टाइम्सकाअनुसार तीन जना अझै घाइते छन् । गोली प्रहार गर्ने प्रहरी जवानलाई प्रहरीले नियन्‍त्रणमा लिएको समाचारमा जनाइएको छ । घाइते प्रहरीलाई स्थानीय अस्पतालमा भर्ना गरिएको छ । उनीहरूको उपचार जारी रहेको समाचारमा जनाइएको छ । 

---