विकासाेन्मुख देशलाई २९ करोड युरो सहयोग गर्ने बेलायतको घोषणा

काठमाडौँ - जलवायु परिवर्तनको असरविरुद्ध जुध्‍न बेलायत सरकारले विकासाेन्मुख देशहरुका लागि २९ करोड युरो सहयोग गर्ने प्रतिबद्धता जनाएको छ । बेलायतको ग्लास्गो सहरमा जारी जलवायु परिवर्तनसम्बन्धी विश्‍व सम्मेलन कोप–२६ को अवसरमा बेलायतले यस्तो प्रतिबद्धता जनाएको हो । 

सम्मेलनमा विभिन्न देशका प्रतिनिधि सहभागी छन् । गरिब देशहरुले जलवायु परिवर्तनविरुद्ध जुध्‍न १०० अर्ब डलर वित्तीय सहयोगका लागि आव्हान गरेका छन् । 
जलवायु परिवर्तनको मुख्य कारक मानिने कार्बन उत्सर्जनमा विकासाेन्मुख देशहरुको हात नगण्य छ । 

---

बेलायत सरकारले प्रदान गर्ने सहयोग रकममध्ये धेरै रकम एशिया र प्रशान्त महासागरका देशलाई छुट्टाइएको छ । विकासाेन्मुख देशले सो रकम जलवायु परिवर्तनसम्बन्धी योजना र लगानी, संरक्षण र न्युन कार्बनयुक्त विकासका गतिविधिको प्रबद्र्धनमा लगानी हुनेछ ।

एक सातादेखि जारी सम्मेलन आइतबार सम्पन्न हुनेछ । सम्मेलनमा सन् २०२५ सम्म विश्‍व तापमानलाई १ दशमलब ५ डिग्री सेल्सियसमा कसरी झार्न सकिन्छ भन्‍न विषयमा छलफल भइरहेको छ ।