चर्चित भारतीय लेखिका मन्‍नु भण्डारीको निधन

नयाँ दिल्ली- भारतकी चर्चित लेखिका मन्‍नु भण्डारीको सोमबार निधन भएको छ । लामो समयदेखि अस्वस्थ रहेकी भण्डारीको हरियाणास्थित नारायण अस्पताल, गुरुग्राममा उपचारका क्रममा निधन भएको हो ।  

उनकी छोरी रचना यादवले उनको निधनको पुष्टि गर्दै आफूले जीवनको अमूल्य चिज गुमाएको उल्लेख गरेकी छन् ।  

---

भण्डारीका 'आप्का बन्टी, महाभोज, यही सच है'लगायतका थुप्रै कृतिहरू अत्यन्त चर्चित छन् ।

उनको जन्म सन् १९३१ को अप्रिल ३ मा भएको थियो । ९० वर्षको उमेरमा उनको निधन भएको हो । (एएनआई)