भारतीय सेनाको हेलिकप्टर दुर्घटनामा ११ शव फेला

काठमाडौँ - भारतीय सैनिक उच्चअधिकारीहरू सवार एमआइ -१७ हेलिकोप्टर दुर्घटनामा परेकाे छ । चिफ अफ डिफेन्स स्टाफ विपीन रावतसहित १४ जना सैनिक अधिकारी सवार हेलिकप्टर तामिलनाडुको निलगिरि नजिकै जंगलमा बुधबार दुर्घटनामा परेकाे भारतीय सञ्चारमाध्यम एएनआइले जनाएको छ ।

इन्डियन एयर फोर्सले पनि रावतसहित सवार हेलिकोप्टर दुर्घटनामा परेको पुष्टि गरेको छ । दुर्घटनामा परी घाइते भएकाहरूलाई अस्पताल लगिएको जनाइएको छ । घना जंगलमा भएको दुर्घटनामा सवार १४ मध्ये ११ जनाको शव भेटिएको छ । भेटिएका शव जलेर क्षतविक्षत भएको भारतीय सञ्‍चारमाध्यामले जनाएको छ ।

---

हेलिकप्टरमा चिफ अफ डिफेन्स विपीन रावत र उनकी श्रीमती मधुलिकासमेत गरि १४ जना थिए । भेटिएका शव मध्ये ८५ प्रतिशत भाग जलेको हालतमा देखिएकाे छन् ।