मेक्सिकोमा ट्रक दुर्घटना हुँदा ५४ जनाको मृत्यु

काठमाडौँ - मेक्सिकोमा ट्रक पल्टिएर दुर्घटना हुँदा ५४ जनाको मृत्यु भएको छ । मेक्सिकोको दक्षिणी प्रान्त चिआपसमा मध्य अमेरिकाबाट संयुक्त राज्य अमेरिका जाँदै गरेका डेढ सयभन्दा बढी आप्रवासी सवार ट्रक दुर्घटना हुँदा ५४ जनाको मृत्यु भएको हो । 

दुर्घटनापछि ज्यान गुमाएकाहरुको शव बाटोमा छरिएको बिबिसीले जनाएको छ । स्थानीयवासीले दुर्घटनामा गम्भीर घाइते भएकाहरुको उद्धार गरेका थिए । दुर्घटनापछि ट्रकका चालक भने फरार भएका छन् । ट्रकमा सवार १०५ जना घाइते भएका जनाइएको छ । त्यति ठूलो ट्रकमा आउनेहरु होन्डुरस र ग्वाटेमालाका नागरिक भएको हुन सक्ने अनुमान गरिएको छ । 

---