नाइजेरियामा बस र ट्रक ठोक्किँदा १६ जनाको मृत्यु

लागोस- नाइजेरियाको उत्तरपूर्वी बाउची राज्यमा आइतबार तीव्र गतिमा गुडेको बस  र ट्रकमा  आपसमा ठोक्किँदा १६ जनाको मृत्यु भएको प्रहरीले सोमबार जनाएको छ ।

कानो–जामारे राजमार्गको बम्बल गाउँमा साँझ ७ बजे उक्त दुर्घटना भएको हो । 

---

बसमा सवार सबै १६ यात्रुले दुर्घटनामा ज्यान गुमाएको  प्रहरीले जनाएको छ ।

‘ट्रकमा ठोक्किएपछि बसमा आगो लागेको थियो । नाइजेरियामा सडक दुर्घटनाहरू प्रायः अत्यधिक यात्रु चाप, खराब सडक र लापरवाह ड्राइभिङको कारणले हुने गरेको बताइन्छ । (सिन्ह्वा)