विश्‍वकै जेष्‍ठ दाबी गरिएकी चिनियाँ महिलाको मृत्यु

बेइजिङ- विश्‍वकै जेष्ठ महिला भनी दाबी गरिएकी चीनकी एक बृद्धाको निधन भएको छ । १३५ वर्षीया अलिमिहन सियिटीको मृत्यु भएको हो । उनी चीनको स्वायत्त उइगुर प्रान्तकी बासिन्दा हुन् । 

चीनमा जन्म र मृत्युबारे तथ्यांक संकलन गर्ने पब्लिसिटी डिर्पाटमेन्टका अनुसार सियातीको जन्म सन् १८८९ को २५ जूनमा भएको थियो । 

---

सियिटीको विवाह १७ वर्षको उमेरमा सन् १९०३ मा मृत्यु भएको थियो । उनका ४३ नाती र पनाति छन् । सरकारले उनलाई सन् २०१३ मा चीनकै सबैभन्दा जेष्‍ठ जीवित महिला घोषणा गरेको थियो ।

मृत्यु हुनुअघिसम्म उनको दैनिकी सामान्य थियो । चीन सरकारले उनलाई विश्‍वकै जेष्‍ठ महिला भनेर दाबी गरे पनि गिनिज वर्ल्ड रेकर्डबाट भने मान्यता पाएकी थिइनन् । 

सियिटीलाई विश्‍वकै जेष्‍ठ महिला घोषित गर्न र स्वतन्त्र ढंगले पुष्‍टी गर्न कसैले अनुरोध नगरेको गिनिज वर्ल्ड रेकर्डले जनाएको छ ।