भारतमा एकै दिन साढे तीन लाख कोभिड संक्रमित, सात सय बढीकाे मृत्यु

नयाँ दिल्ली- भारतमा कोभिडबाट संक्रमित हुनेको संख्या दिनमै साढे तीन लाख नजिक पुगेको छ । पछिल्लो २४ घन्टामा तीन लाख ४७ हजार २५४ जनामा कोभिड देखिएको छ । यो संख्या तेस्रो लहरको  संक्रमणमा अहिलेसम्मकै उच्च हो ।

साथै गत २४ घण्टामा सात सय ३ जनाले काेभिडका कारण ज्यान गुमाएका छन् । कोभिडको नयाँ भेरियन्ट ओमिक्रोन देखिएसँगै संक्रमित र मृतकको संख्या दिनहुँ बढेको छ । 

---

यसैबीच, दिल्लीमा सरकारले लगाउँदै आएको रात्रीकालीन कर्फ्यू हटाउने भएको छ । कोभिड संक्रमित बढेसँगै सरकारले खोप अभियानलाई तीव्र पारेको छ। पछिल्लो २४ घन्टामा साढे दुई लाख संक्रमित निको भएका छन् ।