नाइजेरियामा सडक दुर्घटनामा  २२ जनाको मृत्यु

लागोस : नाइजेरियामा भएको सडक दुर्घटनामा परी कम्तीमा पनि २२ जनाको ज्यान गएको छ । नाइजेरियाका दुई छुट्टाछुट्टै सडक दुर्घटनामा परी ती नागरिकको ज्यान गएको सरकारी अधिकारीहरूले जानकारी दिएका छन् । 

नाइजेरियाको मध्य भागका दुई ठूला राजमार्गमा बुधबार सवारी दुर्घटना भएको थियो । नाइजेरियाको लोकोजा कागी राज्यमा बुधबार विहान दुर्घटना भएको थियो । त्यसमा परी १४ जनाको ज्यान गएको थियो । दुर्घटनामा परी ज्यान जानेमा ११ जना महिला र तीन पुरुष रहेका छन् । दुर्घटनामा अरु कैयौँ व्यक्ति घाइते पनि भएका छन् ।

---

त्यसैगरी नाइजेरियाको काबा क्षेत्रमा पनि यस्तै सवारी दुर्घटना भएको थियो । त्यसमा परी अरु आठ जना यात्रुको निधन भएको छ ।  ती दुर्घटनाहरूमा परी अरु २६ जना घाइते भएका छन् । उनीहरुलाई अस्पताल भर्ना गरिएको छ भने केहीको अवस्था गम्भीर रहेको पनि बताइएको छ । (रासस)