शंकास्पद व्यक्ति भारतका राष्ट्रिय सुरक्षा सल्लाहकार डोभलको निवासमा पस्न खोजेपछि...‍‍‍

नयाँ दिल्ली - भारतको राष्ट्रिय सुरक्षा सल्लाहकार अजित डोभलको आवासमा एक अज्ञात व्यक्ति जबरजस्ती पस्ने प्रयास गरेका छन् । एउटा कारमा आएका एक अपिरिचित व्यक्ति डोभलको निवासमा जबरजस्ती पस्न खोजेका हुन् । 

जबरजस्ती निवासमा जाने क्रममा उनलाई तत्काल प्रहरीले पक्राउ गरेको थियो । उनलाई दिल्ली प्रहरीको विशेष सेलले अनुसन्धान गरिरहेको छ । उनले भाडामा लिएको कार चलाएको प्रहरीले जनाएको छ । 

---

आफूभित्र कसैले चिप जडान गरेको र नियन्त्रण गर्ने प्रयास गरिरहेको अनुसन्धानका क्रममा उनले प्रहरीलाई बताएका छन् । उनको दाबी झुट भएको प्रहरीले पत्ता लगाएको छ र उनी मानसिक रुपमा विक्षिप्त भएको बताइएको छ ।

‘प्रारम्भिक अनुसन्धानमा उनी मानसिक रुपमा विचलित भएको देखिन्छन्,’ दिल्ली प्रहरीले भनेको छ ।