युक्रेनका विभिन्‍न ठाउँमा विस्‍फोट (भिडियो)

काठमाडौँ - युक्रेनको राजधानी कीभमा शृङ्खलाबद्ध विस्फोटको आवाज सुनिएको अन्तर्राष्‍ट्रिय सन्चार माध्यमहरूले जनाएका छन् । रोयटर्सका अनुसार फायरिङ र गोलाबारीको ठूल्ठूलो आवाज सुनिएको हो ।

कीभ र खार्किभलगायत युक्रेनी सहरहरूमा विस्फोटको आवाज सुनिएको समाचारमा उल्लेख छ । बीबीसीका अनुसार डोनेट्स्क क्षेत्रमा ठूलो विस्फोटनको आवाज सुनिएको छ । कीभको बोरिस्पिल एयरपोर्ट नजिकै बन्दुकको आवाज सुनिएको समाचारमा उल्लेख छ । 

---

BREAKING: Explosions in Ukraine's city of Mariupol pic.twitter.com/57ZZVyx5w2

— The Spectator Index (@spectatorindex) February 24, 2022

बीबीसी युक्रेनले राजधानी कीभ र डोनेट्स्क क्षेत्रको क्रामाटोर्स्कमा ठूलो आवाज सुनेको पुष्टि गरेको छ । सामाजिक सञ्जालमा उत्तर-पूर्वी खार्किभ, दक्षिणमा ओडेसा र पूर्वी डोनेट्स्क ओब्लास्ट क्षेत्रमा विस्फोट भएको खबर पनि आएको पनि बीबीसी युक्रेनले जनाएको छ ।