रुसको युक्रेनमाथि कब्जा गर्ने योजना छैन - पुटिन

काठमाडौँ - रुसी राष्ट्रपति भ्लादिमिर पुटिनले रुसको युक्रेनलाई गाभ्ने कुनै योजना नभएको बताएका छन् ।  बिहीबार बिहान टेलिभिजनमार्फत देशका नाममा सम्बोधन गर्दै पुटिनले युक्रेनका जनताले आफ्नो देश कसले चलाउने छनोट गर्न सक्ने बताएका हुन् । 

सम्बोधनका क्रममा पुटिनले युक्रेनी सेनालाई आत्मसमर्पण गर्नसमेत आग्रह गरेका थिए । उनले पूर्वी युक्रेनमा तैनाथ सैनिकहरूलाई हतियार छोडेर घर फर्कन भनेका छन्।

---

 युक्रेनलाई चेतावनी दिँदै उनले भने, 'यदि यो हुन सकेन भने, सबै रगत बगेको जिम्मेवारी युक्रेनले लिनुपर्छ ।' 

राष्ट्रपतिले पुटिनले रुस सधै न्याय र सत्यको पक्षमा रहेको बताए । रुसविरुद्ध कसैले कारबाही गरेमा मस्कोले प्रतिक्रिया दिन ढिला नगर्ने पुटिनले चेतावनीसमेत दिए ।

 पुटिनले आजै युक्रेनको पृथकतावादीकाे नियन्त्रणमा रहेको दोनेत्स्क क्षेत्रमा ‘सैन्य कारबाही’ घोषणा गरेका थिए । एजेन्सी