युक्रेनका नागरिकले देश छाड्न थाले, सडकमा लाग्यो गाडीको लामो लाइन

काठमाडौँ - रुसले युक्रेनमाथि सैन्य आक्रमणको घोषणा गरेसँगै राजधानी किभबाट हजारौं नागरिक देश छाडेर हिडेका छन् ।  रुसी राष्ट्रपति भ्लादिमिर पुटिनले पूर्वी युक्रेनमा सैनिक कारबाही गर्ने घोषणा गरेसँगैं बमबारी र मिसाइल हमला सुरु भएको थियो । 

---

युक्रेनको राजधानी किभका इमर्जेन्सी साइरन बज्न थालेका थिए । त्यसलगतै किभका नागरिक शहर छाडेर भाग्न थालेका छन् । सडकमा धेरै संख्यामा कारको लाइन देखिएको छ । 

सामाजिक सञ्जालमा देखिएका प्रतिक्रियाअनुसार किभका नागरिक धेरै आतिएका देखिन्थे । सडकमा मानिसहरु प्राथना गरिरहेका देखिन्छन् । राजधानी किभमा रहेका गार्डियनका एक पत्रकारले भने, 'सडकमा मानिसहरु देखिदैनन् तर एटीएममा मानिसको लामो लाम देखिएको छ ।'