अमेरिकी ट्रेजरीले रुसी राष्ट्रपति पुटिन र विदेशमन्त्री सर्गेईलगायतलाई लगायो प्रतिबन्ध

काठमाडौँ- अमेरिकी ट्रेजरीले अब आधिकारिक रूपमा रुसी राष्ट्रपति भ्लादिमिर पुटिन र विदेशमन्त्री सर्गेई लाभरोभलाई प्रतिबन्ध लगाएको छ । जसलाई पुटिनको 'मुख्य प्रचारक' भनेर वर्णन गरिएको छ । त्‍यस्तै रक्षामन्त्री सर्गेई शोइगु र रूसी सशस्त्र बलका प्रमुख भ्यालेरी गेरासिमोभलाई पनि प्रतिबन्ध लगाएको छ ।

बीबीसीका अनुसार अमेरिकाले विदेशी राष्ट्र प्रमुखलाई प्रतिबन्ध लगाउनु दुर्लभ मानिन्‍छ । यसले इयु, युके र क्यानडाले त्यसो गर्ने निर्णयलाई पछ्याउने बताइएको छ ।

---

नयाँ प्रतिबन्धहरू अनावरण गर्दै, अमेरिकी ट्रेजरी विभागले भन्यो 'राष्ट्रपति पुटिन एक धेरै सानो समूहमा सामेल छन् जसमा किम जोङ ऊन, अल्याक्सान्डर लुकाशेन्का र बसर अल-असद जस्ता तानाशाहहरू समावेश छन्।'

त्यस्तै रुसको सुरक्षा परिषद्का अन्य सदस्यहरूमाथि पनि प्रतिबन्ध लगाइएको छ ।