रुसी विमानलाई अमेरिकी हवाई क्षेत्रमा प्रतिबन्ध लगाउने बाइडनको घोषणा

अमेरिका- अमेरिकी राष्ट्रपति जो बाइडनले रुसी विमानलाई अमेरिकी हवाई क्षेत्रमा प्रतिबन्ध लगाउने घोषणा गरेका छन् । बाइडनले रुसका राष्ट्रपति भ्लादिमिर पुटिनले युक्रेनमा आक्रमण गरेपछि रुसी विमानलाई अमेरिकी हवाई क्षेत्रमा प्रतिबन्ध लगाउने घोषणा गरेका हुन् ।

'आज  म घोषणा गर्दैछु कि हामी हाम्रा सहयोगीहरूसँग सबै रूसी उडानहरूका लागि अमेरिकी हवाई क्षेत्र बन्द गर्ने, रुसलाई थप अलग्याउने र तिनीहरूको अर्थतन्त्रमा थप निचोड थप्ने काममा सामेल हुनेछौं,' राष्ट्रपतिले बाइडनले भने ।

---

सीएनएनका अनुसार रसियामा रहेका अमेरिकीहरूलाई देश बाहिर व्यावसायिक उडानहरू हुँदा तुरुन्तै छोड्ने विचार गर्न प्रोत्साहित गरेको छ । अमेरिकी अधिकारीहरूले विश्वास गर्छन् कि यदि रूसी उडानहरू अमेरिकामा आउन सक्दैनन् भने अमेरिकीहरूका लागि रुसबाट बाहिर निस्कने तरिकाहरू छन्, एउटा सम्भावनाको रूपमा देश बाहिर रेल विकल्प छ ।

अमेरिकाले रुसी विमानका लागि आफ्नो हवाई क्षेत्र बन्द गर्न क्यानडा र युरोपेली संघमा सामेल भएको छ । युरोपेली आयोगका अध्यक्ष उर्सुला भोन डर लेयनले सम्पूर्ण ईयूले रूसी विमानहरूका लागि आफ्नो एयरस्पेस बन्द गर्ने घोषणा गर्नु अघि जर्मनी, फ्रान्स र इटालीलगायत धेरै युरोपेली देशहरूले त्यसो गरिसकेका थिए ।