लडाकु विमानबाट खार्किभमा गोलाबारी हुँदा २१ जनाको मृत्यु

युक्रेन- युक्रेनको दोस्रो ठूलो सहर खार्किभमा रुसले गरेको गोलाबारीमा कम्तीमा २१ जनाको मृत्यु भएको छ भने ११२ जना घाइते भएका छन् ।

तर खार्किभ क्षेत्रका गभर्नरले भने रुसले गरेका सबै आक्रमणहरूको प्रतिकार गरिएको दाबी गरेका छन् ।

---

बीबीसीका अनुसार रुसले खार्किभमा मङ्गलवार र रातभरि ठूलो आक्रमण गरेको थियो । गभर्नर ओले सिनेगुबोभले "शत्रुको पक्षमा ठूलो क्षति" भएको बताएका छन् ।

रुसले लडाकु विमानबाट गोलाबारी गरेको थियो भने सैनिकहरू खार्किभका उत्तरी र पूर्वोत्तर भागबाट सहरभित्र प्रवेश गरेका थिए ।

एउटा स्थानीय समाचारसंस्थाका अनुसार खार्किभस्थित क्षेत्रीय प्रहरी विभागको एउटा भवनमा रकेट आक्रमण गरिएको छ ।