रूस र युक्रेन दोस्रो चरणको वार्तामा बस्दै

काठमाडौँ- रूस र युक्रेनका प्रतिनिधिमण्डलहरू आज बेलारुसमा दोस्रो चरणको वार्तामा बस्न लागेका छन्। युक्रेनी राष्ट्रपतिका सल्लाहकारले उनीहरूका प्रतिनिधिहरू बाटोमा रहेको पुष्टि गरेको सिएनएनले जनाएको छ । युक्रेनी राष्ट्रपतिका सल्लाहाकार मिखाइलो पोडोल्याकले यस वार्ताबारे ट्वीट गरेको सिएनएनले लेखेको छ । युक्रेनी प्रतिनिधिमण्डल बिहीबार रुसी अधिकारीहरूसँगको भेटका लागि निस्किएको पोलोल्यकलाई उद्धृत गर्दै सिएनएनले जनाएको छ ।

रूसी वार्ता टोलीसँग वार्ता गर्नको लागि हामी पहिले नै हेलिकप्टरमा उडिसकेको छौँ। वार्ता केही घण्टामा सुरु हुनेछ। वार्ता टोलीका एक वरिष्ठ अधिकारी डेभिड अराहमियासँगको आफ्नो फोटोसँगै फेसबुकमा लेखेका छन्।

---

यस्तै वार्ता हुने पुष्टि गर्दै रुसी विदेशमन्त्री सर्गेई लाभरोभले एक भिडियो कन्फ्रेनसमा जनाएका छन्। यस्तै उनले युक्रेनी पक्षले जानाजानी आगमनमा ढिलाइ गरेको समेत बताएका छन् । युक्रेन संयुक्त राज्य अमेरिकाको कठपुतली राज्य भएको समेत उनले सो क्रममा दाबी गरे ।

बिहीबार क्रेमलिनका प्रवक्ता दिमित्री पेस्कोभले एक रूसी प्रतिनिधि मण्डल बेलारुसमा युक्रेनी वार्ताका टोलीकआगमनको पर्खाइमा रहेको जनाएका छन् । बुधबार दोस्रो चरणको वार्ताका लागि दुवै देशका प्रतिनिधिमण्डलबीच भेट हुने कार्यक्रम थियो तर युक्रेनी टोली अनुपस्थित भएका कारण वार्ता हुन सकेन् । सोमबार पाँच घण्टासम्म चलेको पहिलो चरणको वार्ता बिना निष्कर्ष टुंगिएको थियो ।