सामुद्रिक खाना राखिएको बजारबाट कोभिड-१९ को सङ्क्रमण फैलिएको हो : डब्ल्यूएचओ

काठमाडौँ : विश्‍व स्वास्थ्य संगठन (डब्ल्यूएचओ) ले चीनको वुहान स्थित सामुद्रिक खाना राखिएको बजारबाट कोभिड-१९ को सङ्क्रमण फैलिएको प्रारम्भिक अनुमान गरेको छ । डब्ल्यूएचओका विशेषज्ञ अधिकारीहरूले चीनको वुहानमा पुगेर गरेको अनुसन्धानमा त्यस्तो आशंका गरेका हुन् । उनीहरूले काेभिडको संक्रमणको आरम्भ र भाइरस  कहाँ उत्पत्ति भयाे पत्ता लगाउन सकेका छैनन् ।

कोभिड अन्यत्र कतै उत्पत्ति भएको तर त्यही सामुद्रिक खाना तथा तरकारीहरूको बजारबाट विस्तार हुन पुगेको आशंका उनीहरूले व्यक्त गरेको सिन्ह्वाले जनाएको छ । डब्लूएचओका अधिकारीहरूको हवाला दिँदै सिन्ह्वाले लेखेकाे छ, 'भाइरसकाे उत्पत्ति अन्यत्र कतै भएको छ । तर संक्रमण भने सामुद्रिक खाना राखिएको बजारबाट फैलिएको हो ।' त्यहाँको अध्ययन-अनुसन्धान गर्न विश्‍व स्वास्थ्य संगठन पहिल्यैदेखि चीन जान खोजेको भएपनि आरम्भमा चीन सरकारले आलटाल गरेको थियो । 

---

हालै उनीहरू वुहान पुगेर अनुसन्धानमा गरेका थिए । त्यस क्रममा उनीहरूले यस्तो निश्‍कर्ष निकालेका हुन् । कोभिड-१९ सामुद्रिक खानाहरूको बजारबाट विस्तार भएको नै हो भन्‍ने तथ्य उनीहरूले प्रस्तुत गरेका छन् । तर त्यो भाइरस कता उत्पत्ति भएको अझै पत्ता लगाउन नसकेकोमा डब्ल्यूएचओले थप अध्ययन गर्ने बताएको छ ।  

अन्यत्र कतै त्यो भाइरस उत्पत्ति भएको उनीहरूको धारणा छ । त्यसमा अनुसन्धान भइरहेको जानकारी डब्ल्यूएचओले दिएको सिन्ह्वाले जनाएको छ । डब्ल्यूएचओका टोलीले वुहान सहरमा स्थित वुहान इन्स्टिच्युट अफ भाइरोलोजीको अध्ययन मात्र गरेनन् अन्य ल्याबहरूको पनि अध्ययन-अनुसन्धान गरेका थिए ।