हवाई आक्रमणमा ६ तालिबान लडाकू मारिए

काठमाडौँ : अफगानिस्तानको उत्तरी प्रान्त फर्याबमा तालिबान लडाकू समूहका अखडालक्षित अफगान हवाई बलले गरेको आक्रमणमा परेर कम्तीमा ६ तालिबान लडाकू समूहका सदस्यहरु मारिएका सैनिक स्रोतले सोमबार पुष्टि गरेको छ ।

 फर्याब प्रान्तको क्युएसार र सिरिन तागाब जिल्लामा भएको हवाई कारबाहीमा परेर ६ व्यक्तिको मृत्यु भएको छ भने १४ जना घाइते भएको जारी विज्ञप्तिमा जनाइएको छ । आफ्नो स्थिति सुदृढ पार्ने प्रयास गरिरहेका तालिबानी आतङ्ककारीविरुद्ध अफगान सुरक्षा बलले आक्रमणलाई अझ तीव्र पारेको छ । तालिबान लडाकू समूहले भने यस विषयमा कुनै टिप्पणी गरेका छैनन् ।  

---