नाइजेरियाली विमान दुर्घटनामा सात जनाको मृत्यु भएको सेनाद्वारा पुष्टि

काठमाडौँ : नाइजेरियाको राजधानी अबुजाको विमानस्थलमा आइतबार भएको सैनिक विमान दुर्घटनामा चालक दलका सदस्यसहित सात सैनिक अधिकारीको मृत्यु भएको नायजेरियाली सेनाले पुष्टि गरेको छ । 

यस अघि उड्डयन मन्त्री हदी सिरिकाले विमान दुर्घटनाको पुष्टि गरे पनि विमानमा यात्रारत व्यक्तिको विवरणबारे केही खुलाएका थिएनन् । 'सैनिक विमान किङ एअर ३५० अबुजाबाट मिएनाका लागि छुट्नासाथ अबुजा विमानस्थल नजिकै दुर्घटनाग्रस्त भएको छ' उनले भने । 

---

सिरिकाले हामी शान्त रही सेनाको अनुसन्धानको नतिजाको लागि पर्खनु पर्छ भन्दै सबैलाई मृतात्माको शान्तिका लागि प्रार्थना गर्न आग्रह गरेका थिए ।