अफगानी सेनाको हवाइ कारबाहीमा २३ लडाकू मारिए

मैमाना : अफगानिस्तानको उत्तरी प्रान्त फर्याबको काइसार र आल्मार जिल्लामा लुकेर बसेका तालिबान लडाकूविरुद्ध सेनाको लडाकु विमानद्धारा गरिएको कारबाहीमा २३ तालिबान लडाकू मारिएका छन् । अफगानी सेनाका उत्तरी क्षेत्रका सेनाका प्रवक्ता मोहमद हानीफ रेजाईले २३ तालिवानी लडाकु मारिएको जानकारी दिए । 

कारबाहीको क्रममा तालिबानतर्फका अन्य सात लडाकु घाइते भएका छन् । फर्याब प्रान्तमा सक्रिय रहेका तालिबान लडाकु समूहले यस विषयमा कुनै टिप्पणी गरेका छैनन् । (रासस)

---