ल्भिभमा विमानस्थलनजिकै आक्रमण

युक्रेन- युक्रेनको ल्भिभस्थित विमानस्थलनजिकै रहेको एउटा भवनमा रुसले शुक्रबार हवाई आक्रमण गरेको छ।

त्यहाँका नगरप्रमुखले आफ्नो टेलिग्राममा विमानस्थलमा नभएर नजिकै रहेको भवनमा बम प्रहार भएको लेखेको बीबीसीले जनाएको छ । तर त्यहाँ कोही हताहत नभएको उनले जानकारी दिएका छन् ।

---

रुसी आक्रमणको निसानामा परेको भवनमा विमान मर्मत सम्भार हुने गरेको बताइएको छ । तर उक्त भवनमा काम पहिला नै रोकिएको उनले जानकारी दिएका छन् । उक्त स्थानमा उद्धारकर्मी पुगिसकेको उनले बताएका छन् ।