हेलिकप्टर दुर्घटनामा ८ शान्ति सेनाको मृत्यु

काठमाडौं  - कंगोमा भएको हेलिकप्टर दुर्घटनामा राष्ट्र संघका ८ जना शान्ति सेना मारिएका छन् ।

कंगोको नर्थ किभु प्रान्तमा मंगलबार भएको दुर्घटनमा ८ शान्ति सेनाको मृत्यु भएको राष्ट्र संघलाई उदृत गर्दै सिएनएनले जनाएको छ ।

---

शान्ति सेना एक जासुसी अभियानका क्रममा रहदा हेलिकप्टर दुर्घटना भएको हो । मृत्यु हुनेमा पाकिस्तानका ६ तथा रुस र सर्वियाका एक–एक जना शान्ति सेना रहेका थिए ।

उद्धार टोलीले उनीहरुको शव नर्थ किभु प्रान्तको राजधानी गोमा ल्याएका छन् । दुर्घटनाको कारण भने पत्ता लागेको छैन ।

कंगोको सेनाले पछिल्ला दिनहरूमा नर्थ किभु प्रान्तमा एम२३ नामक विद्रोहीविरुद्ध संघर्ष गरिरहेको छ ।