नेपालका लागि भारतीय राजदूत क्वात्रा विदेश सचिव नियुक्त

काठमाडाैँ – भारत सरकारले नेपालका लागि भारतीय राजदूत विनयमोहन क्वात्रालाई  विदेश सचिव नियुक्त गरेकाे छ । भारतीय मन्त्रिपरिषद अन्तर्गतको नियुक्ति समितीले क्वात्रालाई विदेश सचिवमा नियुक्त गरेको हो।

क्वात्रा २०२० जनवरी ३० मा नेपालका लागि भारतीय राजदूत नियुक्त भएका थिए। क्वात्रा सन् १९८८ मा भारतीय विदेश सेवामा प्रवेश गरेका थिए ।

---

नेपालका प्रधानमन्त्री शेरबहादुर देउवाको भारत भ्रमणमा सँगै गएका क्वात्रा दिल्लीमै छन् । हालका विदेश सचिव हर्षवर्धन श्रृंगलाले अप्रिल ३० देखि भारतीय विदेश सेवाबाट अनिवार्य अवकाश पाउँदैछन् । यसअघि नेपालमा राजदूत रहेका श्याम शरण पनि विदेश सचिव भएका थिए ।