अष्ट्रेलियाका प्रधानमन्त्रीद्वारा मे २१ मा संघीय निर्वाचन आह्वान

काठमाडौँ – अष्ट्रेलियामा मे २१ तारिखमा मा संघीय निर्वाचन हुने भएको छ । अष्ट्रेलियाका प्रधानमन्त्री स्कट मोरिसनले मे २१ मा संघीय निर्वाचन गर्ने आह्वान गरेको बीबीसीले जनाएको छ । 

मोरिसनको सत्तारुढ गठबन्धनसँग प्रतिनिधि सभामा ७६ सिट छ, जुन उनलाई सत्तामा कायम राख्न आवश्यक न्यूनतम सिट हो । यस अघिको निर्वाचनमा मोरिसनले आवश्यक मत प्राप्त गर्न नसक्ने अनुमान गरिएपनि उनले आवश्यक मत पाएका थिए । 

---

लिवरल पार्टीका नेता मोरिसनले राजधानी क्यानबेरामा गभर्नर जेनेरलसँग वार्ता गरेपछि निर्वाचनको मिति घोषणा गरेका हुन् । 

सन् २००७ मा लेबर पार्टीका केभिन रुडस“ग पराजति हुनु अघि चारपटक निर्वाचन जित्ने जोन होवार्डपछि पुरा कार्यकाल सत्तामा टिक्ने मोरिसन पहिलो नेता हुन् ।