हिमपहिरोमा परी दुईको मृत्यु

फैजाबाद : अफगानिस्तानको उत्तरी प्रान्त बादाख्शानको शाकाई जिल्लामा मंगलबार गएको हिमपहिरोमा परी एउटै घरका दुई व्यक्तिको ज्यान गएको छ । अन्य दुईजना घाइते भएका प्रान्तीय परिषद्का सदस्य मेहबुब रहमानले बताएका छन् । 

यस हिमाली जिल्लाको पहाडी सांगिच गाउँमा मंगलबार बिहानको यस प्राकृतिक प्रकोपमा परी  बाबु छोराको मृत्यु भएको हो । त्यसैगरी एकै परिवारका दुईजना घाइते भएका अधिकारीहरूले जनाएका छन् । 

---

अफगानिस्तानको बादाख्शान र छिमेकमा पर्ने तखार, कुन्दुज र बाघलान प्रान्तमा विगत दुई दिनदेखि वर्षा र हिउँ परेको दृश्य देखिएको समाचारमा जनाइएको छ । (रासस)