युएईका राष्ट्रपतिको निधन

काठमाडौँ – संयुक्त अरब इमिरेट्स (युएई) का राष्ट्रपति शेख खलिफा विन जायद अल नहयानको निधन भएको छ । युएईको सरकारी सञ्चार एजेन्सी डब्लुएएमले शेख खलिफाको ७३ वर्षको उमेरमा शुक्रबार निधन भएको जनाएको छ ।

राष्ट्रपति शेख खरिफाका लागि ४० दिनसम्म शोक मनाइने छ भने राष्ट्रिय झण्डा पनि झुकाइने जनाइएको छ । त्यसैगरी, सरकारी तथा निजि कार्यालयहरु पनि तीन दिनका लागि बन्द गरिनेछन् ।

---

शेख खलिफा युएईका संस्थापक नेता जायद विन सुल्तान अल नाहयानका जेठा छोरा हुन् । शेख खलिफा सन् २००४ देखि युएईका राष्ट्रपति थिए ।