फिफा विश्वकप : स्विट्जरल्यान्ड अन्तिम १६ नजिक
साउन ९, २०८०
काठमाडौँ- स्विट्जरल्यान्ड फिफा महिला विश्वकप फुटबलको प्रि-क्वार्टरफाइनल नजिक पुगेको छ ।
समूह ‘ए’ अन्तर्गत न्यूजिल्यान्डको वाइकाडो स्टेडियममा आज भएको खेलमा स्विट्जरल्यान्डले नर्वेसँग गोल रहित बराबरी खेल्दै अन्तिम १६ नजिक पुगेको हो ।
बराबरीसँगै स्विट्जरल्यान्डले २ खेलबाट ४ अंक जोडेको छ । नर्वेको भने १ अंक भएको छ ।
यसअघि पहिलो खेलमा स्विट्जरल्यान्डले फिलिपिन्सलाई २-० को पराजित गरेको थियो । त्यसैगरी, नर्वेले न्यूजिल्यान्डसँग १-० को पराजय भोगेको थियो ।
