काठमाडौँ- फिफा महिला विश्वकपका लागि आयोजक न्यूजिल्यान्डका खेलाडीहरू बसेको होटलमा उनीहरुलाई लक्षित गरेर आगजनी गरिएको आशंका गरिएको छ ।

शनिबार राति आगलागी भएपछि होटल खाली गरेर टोलीलाई न्यूजिल्यान्डको छुट्टै शहरमा सारिएको थियो र केही समयपछिमात्र होटलमा फर्कन अनुमति दिइएको बीबीसीले जनाएको छ ।

तर न्यूजिल्यान्ड फुटबलले त्यो घटनाक्रमको बारे विज्ञप्तिमा जारी गर्दै आगलागी फिफा वा फिफा महिला विश्वकपलाई लक्षित गरी नलगाइएको दावी गरेको छ ।

फ्यान पार्कमा सयौँ फुटबल समर्थकहरू भेला भएको ठाउँ नजिकै गोली चल्दा दुई जनाको ज्यान गएको र छ जना घाइते भएको घटनाको दुई दिनपछि यो घटना भएको हो ।

न्यूजिल्यान्डले बिहीबार इडेन पार्कमा ४२ हजर १३७ समर्थकको उपस्थितिमा नर्वेलाई १-० ले हराएर प्रतियोगिताको इतिहासमा पहिलो जित निकलेको थियो।