कांग्रेस अब बलियो प्रतिपक्ष : महामन्त्री थापा

इकागज | चैत ३, २०८०

कास्की- नेपाली कांग्रेसका महामन्त्री गगनकुमार थापाले कांग्रेस अब संसदमा बलियो प्रतिपक्षको भूमिकामा रहने बताएका छन् । 

नेपाली कांग्रेस कास्कीका कार्यकर्तालाई आज पोखरामा सम्बोधन गर्दै नेता थापाले नेकपा (माओवादी केन्द्र) गठबन्धनबाट बाहिरिए पनि कांग्रेसले दुःख मनाउ नगरेको बताउँदै आगामी २०८४ को निर्वाचन गर्ने जिम्मेवारी कांग्रेसकै काँधमा आउने दाबी गरे । 'जनताप्रति सरकारलाई जवाफदेही बनाउन कांग्रेसले आफ्नो भूमिका संसदमा खेल्छ,' नेता थापाले भने । 

सरकारबाट बाहिरिएसँगै कांग्रेसलाई केन्द्रदेखि गाउँ तहसम्म सङ्गठन विस्तार गर्ने मौका मिलेको बताउँदै उनले आगामी निर्वाचनमा अन्य सबै पार्टी एक भए पनि कांग्रेस एक्लै प्रतिस्पर्धा गर्नसक्ने पार्टीका रूपमा विकास गर्न सक्ने उनको भनाइ थियो । 

'गठबन्धनको राजनीतिले पार्टी कार्यकर्तामा निराश पैदा भएको महसुस भइरहेकै बेला नेकपा (माओवादी केन्द्र) ले विभिन्न बहानामा गठबन्धन तोड्दा कांग्रेसलाई सङ्गठन विस्तार गर्ने मौका मिलेको छ, अब कांग्रेसभित्रको गुटउपगुट समाप्त पारेर कांग्रेस अगाडि बढ्छ,' महामन्त्री थापाले भने । नेपाली कांग्रेस अब विसं २०८२ मा हुने महाधिवेशनको तयारीमा जुट्ने पनि उनको भनाइ थियो । 

सुन तस्करी प्रकरणमा दोषी देखिएका जोसुकै भए पनि कानुनी दायरामा ल्याउनुपर्ने बताउँदै नेता थापाले अनुसन्धानलाई फितलो बनाएर दोषीलाई उम्कने बाटो दिन नहुने उल्लेख गरे । 

पदका लागि नभई मुलुकको समृद्धिका लागि सत्ता समीकरण परिवर्तन भएको हो : माधव नेपाल

इकागज | चैत ३, २०८०

काठमाडौँ- नेकपा (एकीकृत समाजवादी) का अध्यक्ष माधवकुमार नेपालले जनताका निराशालाई चिर्दै सरकार अघि बढ्न...

विवेकशील साझा पार्टीका अध्यक्षसहित नौ जना प्रहरी नियन्त्रणमा

इकागज | चैत २, २०८०

काठमाडौँ- विवेकशील साझा पार्टीका अध्यक्ष समीक्षा बाँस्कोटा, महासचिव रञ्जु दर्शनासहित नौ जना पक्राउ परेका ...

मेरो नाम जोडेर अनावश्यक रूपमा समाचार लेखियो मानहानिको मुद्दा हाल्छु : ​पूर्व महानिरीक्षक खनाल

इकागज | चैत २, २०८०

काठमाडौँ- नेकपा एमालेका नेता तथा पूर्व महानिरीक्षक सर्वेन्द्र खनालले कान्तिपुर दैनिकले आफूलाई सुन तस्करी...

सिनेमा संवादमा ओली भन्छन् : कला, संस्कृति र जीवनलाई जोड्ने महत्वपूर्ण माध्यम बनेको छ सिनेमा

इकागज | चैत २, २०८०

काठमाडौँ- नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले कला, संस्कृति र साहित्यले मानव जीव...

मन्त्री श्रेष्ठलाई सांसद शाहको प्रश्न- टीयूको क्रिकेट ग्राउन्डमा फ्लडलाइट र स्कोर बोर्ड कहिले आउँछ ?

इकागज | चैत २, २०८०

काठमाडौं - रास्वपाका सांसद असिम शाहले आफ्नै पार्टीबाट युवा तथा खेलकुदमन्त्री बनेका विराजभक्त श्रेष्ठ...