तर महासंघको नयाँ नेतृत्वका लागि उठेका कतिपय उम्मेद्वार चिन्न भने मुश्किल थियो । कमलादीमा मतदान चल्दै गर्दा भोट हाल्नेको लामै लाम देखिन्थ्यो । त्यही बीचमा भोट माग्ने र हुटिङ गर्नेको पनि चर्को हल्ला चल्थ्यो । कुनै उम्मेद्वार मतदान स्थलमा झुल्किदा उनका समर्थक जुरुक्कै उचालिन्थे । 

मतदान चल्दै गर्दा उम्मेद्वारका प्रचार सामग्रीले भने कमलादी परिसर फोहोर बन्यो । प्रचार सामग्री यसरी छरिएका थिए, मानौँ त्यहाँ चुनाव होइन, कुनै विद्यालय, क्याम्पसको परीक्षा भइरहेको छ । 

तर लामो समय पत्रकारिता गरेका, नाम चलेका वरिष्ठदेखि युवासम्म लाइन लागेर भोट हाल्दै गर्दा 'पत्रकारलाई पत्रकारको भोट महासंघलाई थप सशक्त र प्रभावकारी बनाउने हतियार' हो ।