पानीको रमझम, खोपको तिर्खा (फोटो फिचर)

काठमाडौँ :  काठमाडौँ महानगरपालिकाले स्थगित गरेको कोभिड-१९ विरुद्धको भेरोसेल खोप अभियान पुनः सुरु भएको छ । जेठ २५ गतेबाट सुरु भएको खोप अभियान जेठ २७ गते भने रोकिएको थियो । महानगरपालिकाका अनुसार खोप आज र भोलि(मंगलबार) दुई दिन मात्रै लगाइने छ।

आजको खोप अभियानमा ६० देखि ६१ वर्ष उमेर समूहका व्यक्ति, यसअघि पहिलो डोजको खोप लगाएका व्यक्ति, स्वास्थ्यकर्मी, कोभिड-१९ का विरामीका प्रत्यक्ष जाँच, उपचार र हेरचाहमा संलग्न चिकित्सक, नर्स र पारामेडिक विद्यार्थीलगायत स्वास्थ्यकर्मीलाई लगाइएको छ ।