सडकमा ट्राफिक प्रहरीको अभियान
तपाईंको मास्क खोई ? (फोटो फिचर)
काठमाडौँ : ट्राफिक प्रहरीले ‘तपाईको मास्क खोई ?’ अभियान तीव्र पारेको छ । कोभिड १९ महामारीमा संक्रमण फेरि बढ्न थालेपछि काठमाडौँ उपत्यकाका चोक चोकमा खटिएका ट्राफिक प्रहरीले मास्क अभियान तीव्र पारेका हुन् ।
ट्राफिक प्रहरीले मास्क अभियानका क्रममा ‘तपाईको मास्क खोई ?’ लेखिएका ब्यानर बाँधेर जनचेतना फैलाउने काम पनि गरेका छन् । मास्क नलगाएकालाई मास्क दिएर लगाउन आग्रह गर्ने र मास्क लगाउन बिर्सेकालाई पनि सम्झाउने गरी ट्राफिक प्रहरीले मास्क अभियानलाई थप प्रभावकारी बनाउन सुरु गरेको हो ।
प्रहरीले मास्क बाड्ने र हर्न नबजाउन पनि चालकहरुलाई आग्रह गर्ने गरेको छ । काठमाडौँ उपत्यकालाई यसअघि नै हर्न निषेधित क्षेत्र घोषणा गरिएको थियो ।
