प्रदर्शनका क्रममा प्रहरी र विद्यार्थीबीच सामान्य झडप समेत भएको थियो । विद्यार्थीले प्रहरीको सुरक्षा घेरा तोडेर पद्मोदय क्याम्पस, पुतलीसडक, बागबजार हुँदै फेरि प्रदर्शनीमार्गमा जम्मा भएर प्रदर्शन गरेका थिए ।

विरोध प्रदर्शनकै क्रममा नेपाल ल क्याम्पस र रत्नराज्य लक्ष्मी क्याम्पसबाट मसाल जुलुस समेत निकालिएको थियो । एमाले अध्यक्ष ओली निकट विद्यार्थी संगठन अनेरास्ववियुले प्रदर्शनीमार्गसँगै नयाँ बानेश्वर र त्रिचन्द्र क्याम्पसमा समेत प्रदर्शन गरेको थियो ।