एन्फा कम्पलेक्स सातदोबाटोमा भएको खेलमा ब्रिगेड ब्वाइज क्लबका लागि सुरज गुरुङले ९२ औँ मिनेटमा विजयी गोल गर्दा खेलाडीसँगै दर्शक पनि खुशीले उफ्रिएका थिए ।

एपीएफलाई ३–२ गोलले पराजित गरेको खेलमा ब्रिगेडका लागि दिनेश राईले दुई गोल गरे । खेल सुरु भएको १२ औँ मिनेटमै गोल गरेर दिनेशले ब्रिगेडलाई अग्रता दिलाएका थिए । दोस्रो हाफको ६५ औँ मिनेटमा उनले व्यक्तिगत दोस्रो गोल गरे ।

एपीएफका लागि आशिष लामाले १७ औँ मिनेटमा गोल गर्दा बिक्की तामाङले ७७ औँ मिनेटमा गोल गरेर खेल बराबरीमा ल्याएका थिए । दुई–दुई गोलको बराबरीमा रोचक खेल चलिरहेका बेला सुरज गुरुङले ९२ औँ मिनेटमा गोल गर्दै ब्रिगेडलाई जित दिलाएका हुन् ।