फोटो फिचर
पहिलो चरणको अन्तिम खेलमा सुनिलकाे गोल
काठमाडौँ - सहिद स्मारक ए डिभिजन लिगमा मछिन्द्र क्लबले न्युरोड टिम एनआरटीलाई हराएको छ । सोमबार भएको खेलमा मछिन्द्रले एनआरटीलाई २–१ गोल अन्तरले पराजित गरेको हो ।
मछिन्द्रका लागि फरवार्ड सुनिल बलले दुई गोल गरे । एनआरटीका एरिक विष्टले एक गोल फर्काए । सुनिल राष्ट्रिय टिमका लागि पनि प्रभाव पार्ने खेलाडी हुन् । तर उनले कमै मात्र मौका पाएका छन् ।
खेललाई आफ्नो पक्षमा पारेका सुनिलले टिमका लागि विजयी गोल गरेका थिए । यससँगै यो सिजनको लिगमा सात खेल सकिएका छन् । पहिलो चरण सकिँदा थ्रीस्टार क्लब, ब्रिगेड ब्याइज क्लब, मनाङ मस्र्याङ्दी क्लब र मछिन्द्रले आ–आफ्ना खेलमा जित हासिल गरेका छन् ।
