महाधिवेशनका सहभागि हुने कार्यकर्ता र सर्वसाधारणको भिडले नरायणी नदीको पुल भरिएको छ । यो पुलको म्याद सकिइसकेको छ । म्याद सकिएको पुलमा क्षमताभन्दा बढी सर्वसाधारण पुग्दा जोखिम बढेको छ । 

२०३७ सालमा निर्माण भएको पुलको म्याद सकिएपनि पूलभरी मान्छे भरिएका कारण जोखिम बढेको विज्ञले बताएका छन् । तर पनि जोखिमलाई बेवास्ता गर्दै पुल भरी मान्छे खचाखच भरिएका छन् । साथै पुल वारीपारी मान्छेहरुले गर्दा ट्राफिक जाम बढेको छ । जामले गर्दा एकठाउँदेखि अर्को ठाउँसम्म पुग्नै हम्मेहम्मे परेको छ ।